Triatlonçy Flora Daffi Olimpiýa oýunlarynda altyn medal gazanan Bermud adalarynyň ilkinji wekili boldy.
Olimpiýa triatlony sportuň üç görnüşi boýunça ýaryşlary öz içine alýar: 1,5 km aralyga ýüzmek, 40 km aralyga welosiped ýaryşy, 10 km aralyga ylgaw. Ýaryşyň başlanmagy ýagyn sebäpli 15 minut yza süýşürildi.
Daffi bu aralygy 1 sagat 55 minut 36 sekuntda geçdi.Ikinji orny britaniýaly Jorjiýa Teýlor-Braun (+1,14), üçünji orny amerikaly Keti Zaferes (+1,27) eýeledi.Daffi 33 ýaşynda.
Häzirki Olimpiada türgen üçin karýerasynda dördünji boldy. 2008-nji ýylda ol pellehana gelip bilmedi, dört ýyldan soň 45-nji orny eýeledi, bäş ýyl mundan öň bolsa dokuzynjy boldy.Bermud adalarynyň wekilleri Olimpiýa oýunlarynda 1936-njy ýyldan bäri çykyş edýärler. 1976-njy ýylda Monrealdaky ýaryşlarda boksçy Klarens Hill üçünji orny eýeläp, Bermud adalaryna Olimpiýa medalyny getirdi.
Tokiodaky Olimpiýa oýunlarynda Bermud adalaryndan iki türgen çykyş edýär. 31-nji iýulda garyşyk toparlaryň arasynda triatlon boýunça ýaryş geçiriler.Triatlon boýunça ýaryşlar tomusky Olimpiýa oýunlarynda ilkinji gezek 2000-nji ýylda Sidneýde peýda boldy.