Halkara “Transparency International” guramasy ýyllyk hasabatyny 2017-nji ýylyň “Korrupsiýa görekezijisi indeksini” (KGI) çap etdi.
Görkezijide, ekspertleriň we telekeçileriň nukdaý nazaryndan, 180 ýurduň döwlet sektoryndaky korrupsiýanyň derejesine baha berilýär. Baha bermek üçin 0-dan 100-e çenli ball ulanylýar, 0 korrupsiýanyň iň ýokary derejesini, 100 korrupsiýanyň iň pes derejesini aňladýar.
Türkmenistan korrupsiýa görkezijisi boýunça iň ýokardaky ýurtlaryň hatarynda agzalyp, 19 ball almak bilen, 180 ýurduň arasynda 167-nji orny aldy.
Sanawda Türkmenistan bilen goňşy bolan ýurtlaryň arasynda Afrikanyň Çad we Eriterea respublikalary, şeýle-de Yrak we Wenezuela bar.
Merkezi Aziýada iň ýokarky pozisiýany 122-nji orny alan Gazagystan eýeledi. Soňra Gyrgyzystan (135), Özbegistan (157), Täjigistan (161) gelýär.