“Çelsiniň” täze tälimçisi LampardFrank Lampard ozal ençeme ýyllap çykyş eden kluby “Çelsä” bu gezek tälimçi hökmünde dolandy.Geçen möwsüm 2-nji liganyň wekili “Derbi Kaunti” toparyna tälim beren Lampard londonlylar bilen 3 ýyllyk şertnama gol çekişdi. Ýakynda 41 ýaşyny dolduran Frank Lampard mundan 5 ýyl ozal “Çelsiden” aýrylyp, ilki “Mançester Sitä”, ol ýerdenem “Nýu Ýork Siti” toparyna transfer bolupdy. 13 ýyllap “Çelside” oýnan Lampard toparyň iň köp gol geçiren oýunçysydyr (211 gol).
Lampard oýunçy döwründe “Çelsi” bilen Çempionlar ligasynda hem-de Ýewropa ligasynda 1, “Premier ligada” 3 gezek çempionlyk gazandy.Lampard “Premier ligada” yzly-yzyna 164 duşuşykda meýdança çykyp (2001-2005-nji ýyllar aralygynda), bu ugurda çempionatyň rekordynyň eýesidir.
Tälimçilige geçen möwsüm başlan Lampard Angliýanyň 2-nji ligasynda “Derbi Kaunty” bilen pleý-off tapgyrynda çykyş edip, “Premier liganyň” bosagasyndan gaýtdy. Şeýle-de pleý-offuň finalynda “Aston Willadan” asgyn gelen “Derbi Kaunti” topary Lampardyň ornuna gollandiýaly Filip Koku bilen 4 ýyllyk şertnama baglaşdy.Şanhaýyň toparlarynyň täze oýunçylaryHytaýyň Super ligasyna goşulýanlaryň sany ýylsaýyn artýar.
Romanyň italiýaly ýarymgoragçysy Stefan El Şaarawi Hytaýyň “Şanhaý Şenhua” toparynyň hataryna goşuldy. 26 ýaşly oýunçy üçin 20 million ýewro tölän şanhaýlylar El Şaarawi bilen hem 4 ýyllyk şertnama baglaşdylar. 2016-njy ýylyň tomsunda 13 million ýewro “Milandan” “Roma” transfer bolan El Şaarawi “Monako”, “Jenoa”, “Padowa” toparlarynda-da oýnapdy.Şanhaý şäheriniň beýleki kluby “Şanhaý SIPG” topary-da “West Hamyň” awstriýaly ýarymgoragçysy Marko Arnautowiçi düzümine goşdy. 30 ýaşyndaky oýunçynyň transfer bahasy 30 million ýewro diýlip kesgitlenildi. “Twente”, “Inter”, Werder”, “Stok Siti” ýaly klublarda oýnan Arnautowiç “West Hamyň” köýnekçesi bilen 65 oýunda 22 goly derwezä girizdi.Buffon “Ýuwentusa” dolandyAdy rowaýata öwrülen, italiýaly meşhur derwezeçi Janluji Buffon 1 ýyldan soň “Ýuwentusa” dolandy. 41 ýaşyndaky derwezeçi “Ýuwentus” bilen 1 ýyllyk şertnama baglaşdy.
Buffon geçen möwsümde “PSŽ”-de 25 duşuşyk geçiripdi.Tejribeli derwezeçi “Ýuwentusda” 77-nji belgili köýnekçäni geýer.Ol 1-nji belgili köýnekçäniň Şensnyda, kapitanlygyň-da Kiellinide galmalydygyny aýtdy.
Turinlileriň düzüminde “Serie A-da” 640 duşuşyk geçiren Buffon bu ugurda 647 duşuşykda meýdança çykan Paolo Maldiniden soň, Italiýanyň çempionatynda 2-nji hatarda barýar.“Milan” 2 oýunçyny hataryna goşdyItaliýanyň “Milan” topary düzümini iki futbolçy bilen güýçlendirdi.
Geçen möwsümi 6-njy hatarda tamamlan “Milan” topary “Real Madridiň” 21 ýaşyndaky fransiýaly çep goragçysy Teo Hernandesi (20 million ýewro) hem-de “Empoliden” 26 ýaşyndaky bosniýaly ýarymgoragçy Rade Kruniçi (8 million ýewro) transfer etdi.
Iki futbolçy-da 2024-nji ýyla çenli degişli şertnama gol çekdi. Şeýle-de Kristian Zapata, Rikardo Montoliwo, Ignazio Abate ýaly oýunçylar “Milandan” gaýtdy.