Prezident R. T. Erdogan, Donald Trampyň ABŞ-nyň Prezidentligine saýlanmagynyň, Ýakyn Gündogardaky syýasy we harby deňagramlylyga öz täsirini ýetirjekdigini aýtdy.
Prezident Erdogan, Gyrgyz Respublikasyna we Wengriýa guran saparyndan gaýdyşyn uçarda metbugata beýannama berdi.
Donald Tramp bilen 5-nji noýabrda geçirlen saýlawyň netijesiniň belli bolmagyndan soň telefon arkaly söhbetdeşlik geçirendigini aýdan Erdogan, “Saýlaw etaby we Türkiýe bilen ABŞ-nyň arasyndaky hyzmatdaşlyk hakynda pikir alyşdyk. Jenap Trampy ýurdumyza çagyrdyk. Çakylygymyza oňyn jogap bermegine garaşýarys” diýdi.
“Palestina meselesiniň we Russiýa-Ukraina krizisiniň başda durmagyna birnäçe kynçylyk başdan geçirilýär” diýen Prezident Erdogan, “Türkiýe bilen ABŞ şol kynçylyklaryň hötdesinden gelip biler.Ysraýylyň Palestina we Liwana guraýan hüjümleriniň bes edilmegi üçin Jenap Trampyň Ysraýyla berilýän ýarag kömegini kesmegi oňyn başlangyç bolup biler.
Tramp Ysraýyl tarapyndan guralýan hüjümleriň bes ediljekdigi barada söz beripdi.Biz şol wadasynda durmagynda garaşýarys”diýdi.
Türkiýe bilen ÝB-niň arasyndaky gatnaşyklar hakynda hem durup geçen Prezident Erdogan, ÝB-nyň Türkiýä oňyn çemeleşmegine garaşýandyklaryny belledi.