Las-Wegas şäheriniň Polisiýa gullugy "Trump International" oteliniň öňündäki ulagyň partlamagy sebäpli, ýangynyň bolandygyny habar berdi.
Şäheriň metbugat geňeşligi tarapyndan berilen beýanatda, wakanyň ýerli wagt bilen sagat 08:40-da, ulaglaryň goýulýan ýerinde bolandygy mälim edildi.
Klark sebitiniň Ýangyn söndüriji gullugy "Trump International" oteliniň öňünde irden ulaglaryň biriniň ýanandygyny, 7 adamyň ýaralanandygyny beýan etdi.
Tesla kärhanasynyň eýesi we Trampyň meşhur tarapdarlarynyň biri bolan amerikaly işewür adam Ilon Mask bolsa X sosial media hasabyndan beren beýanatynda, ýanan Tesla ulagynyň "partladylandygyny" öňe sürüp: "Onuň terrorçylykly aksiýa bolmagy ähtimal" diýip belledi.
Mask oteliň öňünde ýanan Tesla ulagy bilen Nýu-Orlean şäherinde guralan hüjümde ulanylan ulagyň "Turo" atly awtoulag paýlaşmak platformasyndan kreýine alynandyklaryny belläp: "Belkem wakalaryň arasynda arabaglanşyk bardyr" diýip aýan etdi.