Respublikan partiýadan prezidentlige dalaşgär Donald Tramp amerikan halkyna 47-nji Prezident hökmünde özüni saýlandyklary üçin hoşallyk bildirdi. Bu barada Tramp Floridadaky ştatynda eden çykyşynda aýtdy.
– Bu, biziň ýurdumyzda görlüp eşidilmedik syýasy ýeňişdir. Amerikan halkyna 47-nji prezident hökmünde meni saýlandyklary üçin sagbolsun aýdýaryn. Ýurdumyzyň ösüşine kömek ederis. Biz ýeňip bolmajak ýaly görünýän päsgelçilikleri ýeňip geçdik. Bu hakykatdan hem ABŞ üçin täze altyn eýýam bolar diýip, Tramp belledi.
Donald Tramp her bir amerikan raýaty üçin işlejekdigini wada berdi.
Eýýäm dünýäniň dürli ýurtlarynyň ýolbaşçylary Donald Trampy saýlanan Prezident hökmünde gutlady.
Häzirki wagtda Amerikanyň Birleşen Ştatlarynda 5-nji noýabrda geçirilen saýlawlarda berlen sesleriň netijeleriniň yglan edilmegi dowam edýär. Deslapky maglumatlara görä, prezidentlik bäsleşiginde Tramp bäsdeşi Demokratik dalaşgär Kamala Harrisden üstün çykdy.