Traktor Eýranyň Pro-ligasynyň 5-nji tapgyrynda Şardari Arak toparyny 2:0 hasabynda ýeňdi. Şeýlelikde, Töwriz şäheriniň topary türkmenistanly tälimçi Gurban Berdiýewiň ýolbaşçylygynda ilkinji ýeňşini gazandy.
Duşuşygyň 2-nji minudynda Mohammad Abbaszade Traktory hasapda öňe çykardy. Duşuşygyň esasy wagtyna goşulan goşmaça minutlarda bolsa Reza Asadi ýeňiji toparyň ýene bir pökgüsini geçirdi.
70 ýaşly türkmenistanly tälimçi Gurban Berdiýewiň Traktorda şu ýylyň iýun aýyndan bäri işläp gelýändigini ýatladýarys. Mundan öň ol Gazagystanyň Kaýratyna tälim beripdi.