Toyota kompaniýasy Ýewropa bazary üçin niýetlenen döwrebaplaşdyrylan Highlander krossoweri bilen tanyşdyrdy. Ulagyň daş görnüşi asla üýtgedilmändir diýen ýaly. Ýöne, reňkleriň palitrasynda täze reňk - Cypress Green (ýaşyl metallik) peýda boldy. Mundan hem başga, ulagy 20 dýumlyk teker diskalary bilen enjamlaşdyrdylar.
Beýleki üýtgeşmeler barada aýdylanda, indi "uly" wersiýalaryň salonynda 12,3 dýumlyk wirtual abzal paneli, 12,3 dýumlyk sensorly displeýi, nawigasiýasy, ses dolandyryjysy, täzelenişleri bulut ulgamyndan awtomatik usulda ýüklemäge mümkinçiligi bolan täze multimedia toplumy peýda boldy. Gurluşa iOS we Android platformalaryndaky mobil gurluşlary simsiz birikdirip bolýar.
Günbatar Ýewropa ýurtlaryna öňküler ýaly, iki elektrik agregat bilen jübütlikde hereket edýän 2,5 litrlik ýel berilmeýän motoryň bazasynda gibrid güýji bolan gurluşly görnüşde hödürlenýär. Ähli hereketlendirijileri jemlenişip, kuwwatyny 246 a.g. çenli artdyrmaga ukyply. Gündogar Ýewropada köne 3,5 litrlik V6 çişirilmeýän agregaty 2,5 litrlik, 269 a.g.-ni berýän "turbadörtlük" bilen çalşyrdylar.