Angliýanyň “Premier Ligasynyň” wekili “Tottenham” topary ysraýylly ýarymgoragçy, winger Manor Solomony erkin agent ýagdaýynda transfer etdi.Londonlylar 23 ýaşyndaky Solomon bilen 5 ýyllyk ylalaşyga gol çekişdi. “Şahtýor Donesk” toparynyň futbolçysy geçen möwsümde “Fulhamda” kärendesine çykyş etdi.
Ol Londonyň başga bir kluby bolan “Fulhamda” 24 oýunda 5 gol geçirdi. “Tottenham” Solomondan öňem italiýaly derwezeçisi Gulielmo Wikariony hem-de iňlis ýarymgoragçysy Jeýms Meddisony transfer edipdi.