Täze möwsümiň başlanmagyna sanlyja günler galanda, “Premier Liganyň” öňdebaryjy wekilleri düzümlerini güýçlendirmegini dowam edýär.
Londondyň “Tottenham” topary Germaniýanyň “Wolfsburg” toparyndan niderland goragçysy Mikki wan de Weni 50 million ýewro transfer etdi. 22 ýaşyndaky goragçy londonlylar bilen 6 ýyllyk şertnama baglaşdy. 2021-nji ýyldan bäri nemes klubunda çykyş edip gelýän Wan de Wen 41 oýunda meýdança çykdy. Ol “Tottenhamda” 37-nji belgili köýnekçäni geýer.
Çempionaty 4-nji orunda tamamlap, 20 ýyldan soň Çempionlar Ligasynda çykyş etmäge hukuk gazanan “Nýukasl” topary-da aşaky liga düşen “Southempton” toparyndan 20 ýaşyndaky goragçy Walentino Liwramentony düzümine goşdy. “Nýukasl” topary “Southemptona” 37+9 million, jemi 46 million ýewro tölär. Liwramento täze kluby bilen 5 ýyllyk şertnama gol çekişdi.