Şu gün futbol janköýerleriniň sabyrsyzlyk bilen garaşýan duşuşygy UEFA Çempionlar ligasynyň final oýny oýnalar.Ispaniýanyň paýtagty Madriddäki “Wanda Metropoltano” stadionynda geçiriljek bu taryhy finalda iki iňlis kluby “Tottenham” bilen “Liwerpul” toparlary duşuşar.
Aşgabat wagty bilen 00:00-da başlanjak oýna sloweniýaly Damir Skomina eminlik eder.171-nji DUŞUŞYKIki topar şu wagta çenli UEFA-nyň ýaryşlarynda 2 gezek gabatlaşdy.
Iki topar 1972/73 möwsüminde şol wagtky UEFA Kubogynda (häzirki Ýewropa ligasy) ýarym finalda duşuşyp, “Liwerpul” öz meýdançasynda 10 utupdy.Jogap oýnunda-da 2-1 ýeňlen “Liwerpul” finala çykypdy.
Iki klub mundan ozal ähli ýaryşlary hasaba alanyňda, özara 170 duşuşyk geçiripdirler. Şolaryň 79-synda “Liwerpul”, 48-sinde “Tottenham” ýeňiş gazandy. 43 oýun deňlikde tamamlandy. “Premier liganyň” çäklerinde oýnalan şu möwsümdäki 2 duşuşykda-da “Liwerpul” 21 hasabynda ýeňiş gazandy.7-nji FINAL“Tottenham”“Liwerpul” finaly Çempionlar ligasyndaky bir ýurduň 2 wekiliniň arasyndaky 7-nji final bolar. Şolaryň birinde 2008-nji ýylda iňlisleriň başga 2 topary “Mançester Ýunaýted” bilen “Çelsi” duşuşypdy.
Moskwadaky bu finalyň esasy wagty 11 deňlikde gutaryp, penaltilerden soň “Ýunaýted” ýeňiş gazanypdy. Çempionlar ligasynyň finalynda ispan toparlary 3, italýanlar we nemesler 1 gezek duşuşdylar.Şeýle-de bu final Madriddäki 5-nji, Ispaniýadaky 8-nji final bolar.
Madriddäki mundan öňki finallaryň hemmesi-de “Santiago Bernabeuda” oýnalypdy.“LIWERPUL” HAS TEJRIBELI“Liwerpulyň” UEFA-nyň ýaryşlaryndaky tejribesi diýseň köp bolup, olar Çempionlar ligasynda 5 (1977, 1978, 1981, 1984, 2005), Ýewropa ligasynda 3 (1973, 1976, 2001), UEFA Super kubogynda-da 3 (1977, 2001, 2005) gezek ýeňiş gazandy.
Topar Çempionlar ligasynda 3 (1985, 2007, 2018), Ýewropa ligasynda 1 (2016), UEFA Super kubogynda-da 2 (1978, 1984) hem-de häzirki wagtda geçirilmeýän Kubokçylaryň kubogy ýaryşynda-da 1 (1966) gezek finalda utuldy.“Tottenham” toparynyň UEFA-nyň ýaryşlaryndaky final tejribesi garşydaşyna garanyňda azrak bolup, londonlylar ozalky UEFA Kubogy, häzirki ady Ýewropa ligasynda 2 (1972, 1984), öňki Kubokçylaryň kubogy bäsleşiginde-de 1 (1963) sapar çempionlyk gazandy.
Topar Ýewropa ligasynda-da 1 gezek finalda ýeňildi (1974).Eger-de şu günki finalda “Liwerpul” ýeňiş gazansa, bu olaryň 6-njy çempionlygy bolup, 5 kubokly “Bawariýadyr” “Barselonadan” öňe saýlanar.
Finala çykan 40-njy klub bolan “Tottenham” üstün çyksa, onda olar şu ýaryşda çempionlyk gazanan 6-njy iňlis topary, umumylykda-da 23-nji klub, başgaça aýdylanda welin, Çempionlar ligasynda täze çempion peýda bolar.