Türkiýäniň çempionaty “Süper Lige” çykan soňky klub hem belli boldy.
Pleý-off tapgyrynyň finalynda Bandyrmaspory 2-1 hasabynda ýeňen Istanbulspor topary 17 ýyldan soň “Süper Lige çykmagy başardy.Istanbulspor topary soňky gezek 2004/05 möwsüminde “Süper Ligde” çykyş edipdi. Şeýlelikde, Istanbulsporyň ýokary liga çykmagy bilen “Süper Ligdäki” stambully klublaryň sany 8-e ýetdi.
Häzirki wagtda “Süper Ligde” ozaldan “Galatasaraý”, “Fenerbahçe”, “Beşiktaş”, “Kasympaşa”, “Istanbul Başakşehir”, “Fatih Karagümrük” toparlary bolup, olaryň hataryna aşaky ligadan gelen “Ümraniýespor” bilen “Istanbulspor” toparlary goşuldy.Süper Ligiň täze möwsüminde 19 klub çykyş eder (Pandemiýa sebäpli 2019/20 möwsüminde hiç bir topar aşaky liga düşürilmändi.
Soňky möwsümde 4 topar ýokary liga çykdy).
Türkiýäniň ýokary ligasyndan mundan 58 ýyl ozal, ýagny 1963/64 möwsüminde Stambul şäherinden 8 klub wekilçilik edipdi. Şol möwsümde Stambulyň “Galatasaraý”, “Fenerbahçe”, “Beşiktaş”, “Kasympaşa”, “Istanbulspor”, “Feriköý”, “Beýkoz”, “Beýoglu” toparlary ýokary ligada ýaryşypdy.
19 klubuň 8-siniň Stambuldan bolmagy, toparlaryň deň ýaryna golaýynyň bir şäher wekilçilik edýändigini aňladýar. Başga bir tarapdanam derbileriň sanynyň köpeldigi bolar. Şol bir wagtyň özünde-de möwsümiň dowamynda 8 klub 11 gezek başga şähere duşuşyga gider diýmekdir