Iňlis ýazyjysy, şahyry Jon Ronald Ruel Tolkiniň ozal çap edilmedik eserler ýygyndysy çap ediler.Bu barada The Guardian neşiri habar berýär.Täze ýygyndy Ortaýer tebigaty diýlip atlandyrylyp, şu ýylyň iýun aýynda HarperCollins neşirýaty tarapyndan neşir ediler.
Bu neşirýat soňky onýyllyklaryň dowamynda Tolkiniň köp sanly eserlerini neşir etdi.Jon Tolkin Hobbit (1937) we Ýüzükleriň hökümdary (1954-1955) ýaly eserleriň awtory hökmünde dünýäde giňden tanalyp, aradan çykýança, ýagny 1973-nji ýyla çenli Ortaýer tebigaty atly eserini ýazmagyny dowam etdi.
Onuň üçin Ortaýer tebigaty hemişe öwrenilmeli mowzuklaryň biridi. Ýazyjynyň Ortaýer tebigaty baradaky ýazgylary onuň döredijiligine çuňňur düşünmäge ýardam berýär. Eserleriň täze ýygyndysy hakyky hazyna bolup, okyjylara professor Jon Ronald Ruel Tolkiniň nukdaýnazary bilen Ortaýer tebigatyna göz aýlamaga mümkinçilik berýär we her sahypada bu sebitiň tebigatyny täzeden janlandyrýar diýip, HarperCollins neşirýatynyň müdiriniň orunbasary Kris Smit belleýär.
The post Tolkiniň eseri neşir ediler appeared first on Zaman Türkmenistan.