Gazagystanyň Prezidenti Kassym Jomart Tokaýew Gazagystanyň "Ene Dil" gazedine beýannama berdi.
Ýurdunda Azerbaýjanyň howa ýollary kärhanasyna degişli uçaryň ýere gaçmagy netijesinde 6-sy Gazagystanyň raýaty bolmak bilen jemi 38 adamyň ýogalandygyny we köp sanda adamyň ýaralanandygyny ýatlatdy.
Gözleg we halas ediş işlerine gatnaşan adamlara minnetdarlyk bildirip, halkyň jebisligini nygtap geçdi.
Baku-Groznyý uçar saparyny amala aşyran AZAL howaýollary kärhanasyna degişli Embraer 190 kysymly uçar, 25-nji dekabrda Gazagystanyň Aktau şäheriniň golaýynda ýere gaçypdy.
AZAL uçaryň düzüminde 5 adamdan ybarat ekipažyň we 62 adamdan ybarat ýolagçylaryň jemi 67 adamyň bolandygyny habar beripdi.
Wakada 38 adamyň ýogalandygy, 29 adamyň hem halas bolandygy beýan edilipdi.
Anadoly habarlar agentligine beýanat beren azerbaýjanly resmiler, uçaryň rus "Pantsir-S" howa goranyş ulgamynyň hüjümine sezewar galandygy bilen bagly öňe sürmeleri tassyklapdy.