Türkmenbaşy şäheriniň ýyllyk tabşyrygy üstünlikli berjaý eden we önümçilik görkezijileriniň durnukly ösüşini üpjün eden kärhanalarynyň öňüni ýurdumyzyň senagatynyň öňbaşçysy Tükmenbaşynyň nebti gaýtadan işleýän zawodlar toplumy çekýär.Kärhanada çig nebti ibermegiň we ony gaýtadan işlemegiň görkezijileri artdy. Şunda 1,8million tonnadan gowrak awtomobil benzini çykaryldy, onuň tabşyrykdan artyk 16 müň tonnasy öndürildi,bu bolsa 2016-njy ýyldakydan 124 müň tonna köpdür.
Tabşyrykdan artyk öndürilen we durnukly önümçilik ösüşi gazanylan önümleriň sanawynda TNGIZT belgili çykarylýan, ýurduň içinde we daşary ýurtlarda durnukly isleg bildirilýän kerosin, dizel ýangyjy, polipropilen, suwuklandyrlan gaz,çalgy ýaglary we beýleki önümler bar.
TNGIZT-den daşary ýurtlara awtomobil benzininiň, kerosiniň, dizel ýangyjynyň,ýakylýan mazutyň, nebit koksunyň,çalgy ýaglarynyň we ýangyç-ýag we nebit himiýasy önümçiliginiň beýleki önümleriniň uly tapgyrlary ugradyldy. Şunda kärhananyň daşary ýurtlara ugradan önümleiniň umumy bahasy 2016-njy ýyldakydan 36,3 göterim artdy.
“Balkanbalyk” Döwlet kärhanasy-da ýyly gowy görkezijiler bilen tamamlady. Türkmenbaşyly balykçylar 2017-nji ýylda 2016-njy ýyldakydan 2,4 göterim köp balyk tutdylar we täzeligine doňdurylan, kakadylan, duzlanan we beýkelki konserwirlenmedik önümleri iki esse köp çykardylar. Kärhananyň azyklyk önümleri şäheri söwda nokatlaryna we ýurduň beýleki sebitlerine yzygideli ugradylýar.