Hepdede bir gezek çykýan belli amerikan žurnaly “Time” dünýäniň 100 sany täsirli adamsynyň sanawyny neşir etdi.Olar “Täzelikçiler”, “Sungat işgärleri”, “Liderler”, “Muşdaklar” we “Meşhurlar” ýaly bölümlere bölündi.“Liderler” bölüminiň arasynda ABŞ-nyň Prezidenti Donald Tramp, britan şazadasy Çarlz Harri we onuň gelinligi, amerikan aktrisasy Megan Markl, Fransiýanyň Prezidenti Emmanuel Makron, HHR-iň Başlygy Si Szinpin, Demirgazyk Koreýanyň lideri Kim Çen Yn, Saud Arabystanynyň mirasdüşer şazadasy Muhamed ben Salman, Kanadanyň premýer-ministri Jastin Trýudo, Argentinanyň Prezidenti Maurisio Makri, Yragyň premýer-ministri Haýdar al-Abadi, Zimbabweniň Prezidenti Emmerson Mnangagwa, ýörite prokuror Robert Mýuller, “Microsoft”-yň baş direktory Satýa Nadella, Londonyň meri Sadyk Han we beýlekiler bar.Dünýäniň iň gowy türgeni Rojer Federer, amerikan tele alypbaryjysy Opru Winfru, “Amazon” kompaniýasynyň esaslandyryjysy we başlygy, milliarder Jeff Bezos, “SpaceX”-iň eýesi, işewür Ilon Mask we beýlekilere “Meşhurlar” bölüminde orun berlipdir.“Täzelikçiler” bölüminde amerikan komediýa aktrisasy Tiffani Hadiş, NASA-nyň zenan astronawty Peggi Uitson, Günorta afrikan komigi Trewer Noý we beýlekiler bar.“Sungat işgärleriniň” arasynda aktrisa Nikol Kidman, aktýor Hýu Jekman, amerikan kinorežissýory we ssenariçisi Raýan Kugler, kanadaly aýdymçy Şona Mendes we beýleki sungat işgärleri bar.“Muşdaklaryň” arasynda aýdymçylar Jennifer Lopez, Robin Rianna Fenti, “Cambridge Analytica”-nyň ozalky işgäri Kristofer Uaýli, singapurly ýazyjy Kewin Kwan, aýdymçy Keşa, amerikan figuralaýyn typyjysy Adam Rippon we beýlekiler bellige alnypdyr.