TFF-niň çözgüdi bilen 10-njy tapgyrdaky duşuşyk üçin tehniki ýagdaýda ýeňiş gazanan Altyn asyr bu çözgüdiň ruhy goldawy bilen 15-nji tapgyryň duşuşygyny hem uly hasaply ýeňşe besledi. Türkmenistanyň at gazanan tälimçisi Ýazguly Hojageldiýewiň şägirtleri myhmançylykda paýtagtyň Aşgabat toparyny 4:1 hasabynda ýeňdiler.
Aşgabat 17-nji minutda şu möwsümiň başynda Altyn asyrdan transfer eden oýunçysy Azat Annaýewiň geçiren goly bilen öňe saýlanan hem bolsa, bu üstünligini uzak gorap bilmedi.Altyn asyr Selim Nurmyradowyň gollary bilen 33-nji minutda hasaby deňledi, 45-nji minutda-da öňe geçdi. 72-nji minutda Röwşengeldi Halmämmedow, 77-nji minutda bolsa Arslan Saparow Altyn asyryň gazanan ýeňişlerini has berkitdi.
Indi 28 utukly Altyn asyr ikinji orunda. Topar bu orny Ahal bilen paýlaşýar. 16 utukly Aşgabat bolsa altynjy orunda galdy.
16-njy tapgyrda Aşgabat Nebitçiniň myhmany bolar, Altyn asyr bolsa Köpetdagy kabul eder.
“Aşgabat” “Altyn Asyr” 1:4
Gollar: 17 Azat Annaýew 33, 45 Selim Nurmyradow, 72 Röwşengeldi Halmämmedow, 77 Arslan Saparow.