Prezident R. T. Erdogan, Prezidentiň Kompleksinde geçirlen häkimleriň duşuşygynda çykyş etdi.
Sebitiň diýseň ynjyk döwürden geçýändigini aýdan Erdogan, Türkiýeden 910 kilometr alysda ýerleşýän serhetdeş ýurt Siriýada başdan geçirilýän wakalar bilen ýakyndan gyzyklanýandyklaryny belledi.
Siriýada 61 ýyllyk Baas diktatorlygynyň çökmeginden we 13 ýyl dowam eden gyrgynçylygyň ortadan aýrylmagyndan soň täze döwre girilendigini ýatladan Erdogan, siriýalylaryň asuda ýagdaýda öýlerine dolanmaklarynyň özleri üçin esasy wezipedigini nygtady.
Erdogan, siriýalylaryň öýlerine dolanmaklarynyň sebitleýin durnuklylyk we strategiýa taýdan hem diýseň möhümdigini ýatlatdy.
Siriýada täze döwrüň başlandygyny aýdan Erdogan “Siriýa agdarlyşygy bilen birlikde hem ýurdumyzyň hem-de sebitimiziň öňünde taryhy pursat ýüze çykdy. Döwletimiziň ähli mümkinçiliklerinden peýdalanyp terrorsyz Türkiýe maksadymyza ýeteris. Türkiýe asyryny doganlygyň, galkynyşyň, asudalygyň we durnuklylygyň asyry bolmagy üçin birlikde tagalla ederis” diýdi.