Yragyň demirgazygyndaky düşelgelerinden gaçan ekstremist terror guramasy PKK-ly 3 terrorçy Şyrnakda howpsuzlyk güýçlerine boýun egdi.
Milli Goranmak ministrliginden berlen beýannamada, “Mehmetçigiň egilşiksiz operasiýalary netijesinde Yragyň demirgazygyndaky düşelgelerinden gaçan ekstremist terror guramasy PKK-ly 3 terrorçy Şyrnakda howpsuzlyk güýçlerine boýun egdi. Terrorçylar üçin ýeke-täk çykalga bar, ol hem türk adalatyna boýun egmek” diýildi.
Ministrlikden berlen başga bir beýannamada hem, Yragyň demirgazygyndaky Hakurk, Gara, Kandil we Sinjar etrapçalarynda guralan howa hüjüminde terrorçylara degişli 34 ýeriň hatardan çykarlandygy, köp sanly terrorçynyň hem täsirsiz ýagdaýa getirlendigi nygtaldy.
Içeri işler ministri Ali Ýerlikaýa, gyzyl kategoriýada gözlenýän PKK/KJK-ly terrorçy “Faraşin-Bedran” lakamly Ramazan Aktaşyň, Mardinde geçirlen operasiýada täsirsiz ýagdaýa getirlendigini mälim etdi.
Ministr Ýerlikaýa sosial mediadan beren habarnamasynda “Dönüklere garşy operasiýalarymyz ýylyň 365 güni egilşiksiz dowam eder” diýdi.