Zenanlaryň arasynda geçirilen Dubaý tennis çempionatynda rumyniýaly Simona Halep çempion boldy.Ol finalda gazagystanly Ýelena Rybakina bilen duşuşdy.Duşuşygyň 1-nji setinde Rybakina 6:3 ýeňiş gazandy. 2-nji setde edil şol hasap bilen Halep üstün çykdy.
Final setinde Halep taý-bregiň netijesinde 7:6 ýeňiş gazanyp, 2015-nji ýyldan soň, Dubaýda 2-nji sapar çempion bolmagy başardy.Bu üstünlik häzirki wagtda umumy sanawda 2-nji basgançakda barýan Halepiň 20-nji WTA çempionlygy hökmünde hasaba alyndy.Fransiýanyň Marsel şäherinde ýapyk desgada geçirilýän “Açyk 13” tennis ýaryşynyň finalynda gresiýaly Stefanos Sisipas bilen kanadaly Feliks Ože-Alýassim duşuşdy. 1-nji setde 6:3, 2-nji setde-de 6:4 hasaplar bilen ýeňiş gazanan Sisipas bu ýerdäki 2-nji çempionlyk kubogyny asmana göterdi. 21 ýaşly Sisipas 5-nji gezek ATP ýaryşlarynda çempion bolmagy başardy.Braziliýanyň Rio de Žaneýro şäherinde erkekleriň arasynda geçirilen “Rio Açyk” tennis ýaryşynda çehiýaly Kristian Garin ýeňiji boldy. 23 ýaşly tennisçi finalda italiýaly Janluka Mageri 7:6 we 7:5 hasaplar bilen ýeňlişe sezewar etdi.
Bu onuň karýerasy boýunça 4-nji ATP çempionlygydyr.