Türkiýäniň Beýik Millet Mejlisi desganyň içindäki naharhanalarda, kafelerde we çaýhanalarda Ysraýyla goldaw berýän firmalaryň önümleriniň satylmazlygy hakynda karar kabul etdi.
Mejlisiň dolanşygyndan berilen beýannamada, Mejlisiň Gazada bigünä adamlary gyrýan Ysraýylyň harby jenaýatlaryna aç-açan goldaw yglan eden firmalaryň önümleriniň we harytlarynyň boýkot edilmegi boýunça jemgyýetiň düşünjesine goldaw bermek hakynda karara gelinendigi habar berildi.
Beýannamada Mejlisiň Başlygy Numan Kurtulmuşyň görkezmesine laýyklykda Ysraýylyň Gazada eden gyrgynçylyk jenaýatyna goldaw berýän firmalaryň önümleriniň Mejlisiň desgalaryndaky naharhanalarda, kafelerde we çaýhanalarda satylmajakdygy mälim edildi.