Taýlandyň Transport ministri Suriýa Jungrungruengki mekdep gezelenji üçin Uthai Thani sebitinden ýola çykan we içinde 38 okuwçy bilen 6 mugallym bolan awtobusyň ýanandygyny habar berdi.
Bangkok Post gazediniň habar bermegine görä polisiýa gullugynyň resmisi Sillakhom Iemwon, awtobusyň ýanmagy netijesinde 22-si okuwçy 3-i mugallym jemi 25 adamyň ýogalandygyny mälim etdi.
Sillakhom ýaralanan 19 adamyň bolsa hassahanalarda bejergi astyna alynandygyny aýan etdi.
Awtobusyň başlangyç we orta synplarda okaýan okuwçylary daşandygyny aýdan Sillakhom, telefony ýapyk bolan awtobusyň sürüjisiniň wakanyň bolan ýerinde tapylmandygyny we gözlenýändigini habar berdi.
Içeri işler ministri Anutin Çarnwirakul hem wakanyň bolan ýerinde derňewleriň geçirilýändigini beýan etdi.
Wakanyň bolan ýerinde derňew geçiren resmileriň biriniň netijesine görä ýangyn awtobusyň tekeriniň biriniň partlamagyndan soň ulagyň barýeralar sürtülmegi bilen başlandy.