UEFA Milletler Ligasynyň “D” Ligasynyň 1-nji toparçasynyň çäginde sentýabr aýynda öz meýdançasynda Lihtenşteýni taryhynda 2-nji gezek ýeňip, 20 ýyldan soň 2-nji ýeňşini baýram eden San Marino üçin möwsüm diýseň şowly geçýär. 15-nji noýabrda öz meýdançasynda Gibraltar bilen Nanniniň 90+2-nji minutda penaltiden geçiren goly esasynda 1-1 hasabynda deňme-deň oýnap, ýeňlişden halas bolan Ýewropanyň kindiwanja ýurdy taryhy ýeňiş gazandy.
Myhmançylykda Lihtenşteýn bilen duşuşan San Marinonyň ýygyndysy üçin bu duşuşyk ähli gowy statistikalary özünde jemleýär.Duşuşygyň 1-nji ýarymynda ýer eýeleri Lihtenşteýn Seleniň 40-njy minutdaky goly bilen 1-0 hasabynda öňe saýlandy. Ýöne ruhdan düşmedik sammarinler 2-nji ýaryma gol bilen başlady. 46-njy minutda Lazzariniň goly bilen hasaby deňlän myhmanlar 66-njy minutda Nanniniň penalti goly esasynda öňe saýlandy.
Duşuşygyň 76-njy minutynda bolsa Golinuççi oýna soňky nokady goýdy (3-1). Şunlukda, San Marinonyň ýygyndysy taryhyndaky 3-nji, resmi oýunlardaky 2-nji ýeňşini gazandy. 3 ýeňşem Lihtenşteýniň garşysyna geçirilen oýunlarda hasaba alnyp, San Marinonyň ýygyndysy taryhynda ilkinji gezek 1 oýunda 3 gol geçirdi. Şol wagtyň özünde ilkinji gezek kembek, ýagny garşydaşynyň öňe geçendigine garamazdan ýeňiş gazanmagy başardy. “D” Liganyň 1-nji toparçasynda utugyny 7-ä çykaran San Marino täze möwsümde “C” Ligada çykyş eder. /* custom css */ .td_uid_15_673c7ffa4767b_rand.td-a-rec-img { text-align: left; } .td_uid_15_673c7ffa4767b_rand.td-a-rec-img img { margin: 0 auto 0 0; }