Garyşyk söweş sungatlarynyň (UFC) iki görnükli wekili russiýaly Habib Nurmagomedow bilen irlandiýaly Konor Makgregoryň arasyndaky tutluşyk 7-nji oktýabrda ir sagatlarda geçiriler.Bu taryhy tutluşyk ABŞ-nyň Las Wegas şäherindäki “T-Mobile Arenada” guralar.
Bu tutluşyk dünýäniň ençeme ýurtlarynda göni ýaýlymda görkeziler.Golaýda 30 ýaşyny dolduran Habib Nurmagomedow şu wagtda çenli geçiren 26 tutluşygynyň ählisinde-de ýeňiş gazandy.Ol şolaryň 8-sinde garşydaşyny nokaut bilen ýeňlişe sezewar etdi.
Habib soňky sapar şu ýylyň aprelinde amerikaly El Ýakwinta bilen tutluşyp, garşydaşyndan üstün çykypdy. 30 ýaşly Makgregor bolsa, geçiren 24 duşuşygynyň 21-sinde ýeňiş gazanyp, 3-sinde ýeňildi.Onuň nokautlarynyň sany 18-e deňdir. 2016-njy ýylyň 16-njy noýabryndan bäri UFC duşuşygyny geçirmeýän Makgregor soňky sapar professional boks boýunça amerikaly Floýd Meýwezerden asgyn gelipdi.