Gazna welaýatynyň deputaty Hudad Irfani metbugata beren beýanatynda, Talibanly başbozarlaryň Gazna welaýatynyň Hoja Ömer, Waiz we Mukur etraplaryna şol bir wagtyň özünde hüjüm gurandygyny habar berdi.
Hüjümleriň netijesinde ady agzalan 3 etrabyň gözegçiliginiň Talibanyň eline geçendigini aýdan Irfani, howpsuzlyk güýçleriniň ol etraplardan çekilendigini mälim etdi.
Irfani Talibanyň bu ýol bilen Gazna welaýatyny dolulygyna ele geçirip biljekdigi barada duýduryş berdi.
Beýleki tarapdan Owganystanyň Goranmak ministrligi ýurdyň demirgazygyndaky Farýab welaýatynyň Peştun Kot etrabynyň we Perwan welaýatynyň Şinwari etraplarynyň Talibandan yzyna alynandygyny aýan etdi.
Soňky 24 sagatda ýurdyň 14 aýry welaýatynda Talibana garşy operasiýanyň geçirilendigi bellenen beýanatda, operasiýalaryň netijesinde 235 Talibanly başbozaryň öldürilendigi, 161 başbozaryň bolsa ýaralanandygy mälim edildi.
20-nji iýunda ýurdyň demirgazygyndaky Balh we Samangan welaýatlarynda 2 etrabyň gözegçiligi Talibanyň gözegçiligine geçipdi.
21-nji iýunda ýurdyň demirgazygyndaky Balh welaýatynyň Döwletabada, Şolgere we Kişindeh etraplaryny basyp alypdy.
Soňky 2 aýda Talibanyň gözegçiligi astyna geçen etraplaryň sany 45-den geçdi.
BMG tarapyndan berilýän maglumata görä, Taliban ýurdyň territoriýasynyň 50-70 göterim aralygyny öz gözegçiliginde saklaýar.