Daniýanyň Şa zenany Margrete II hökümdarlygyny 50-nji ýylyny bellemäge taýýarlyk görýär. 1972-nji ýylyň ýanwarynda tagta çykan zenan hökümdaryň täje eýe bolmagynyň 50 ýyllygy şu ýylyň başynda doldy.
Emma bu waka pandemiýa sebäpli dabaraly ýagdaýda bellenilip geçilmedi.Häzirki wagtda Şa zenany Margrete Ýewropada tagtda iň köp oturan hökümdar diýen derejä eýe boldy.Bu ugurda ikinji orny 48 ýyldan bäri bu wezipäni ýerine ýetirýän Şwesiýanyň patyşasy Karl XVI Gustaw eýeleýär.Margrete II 1972-nji ýylda kakasy Frederik IX ýerine geçdi. Şeýlelikde, ol ýurduň ilkinji zenan hökümdary boldy.Margrete II 1940-njy ýylda dünýä inen wagty ýurtda hereket edýän kanunçylyga görä, diňe erkekler patyşa bolup bilýärdi. 1953-nji ýylda geçirilen sala salyşykda bu çäklendirmeler ýatyryldy. Şeýlelikde, üç uýanyň ulusy bolan Margrete II ýurtda ilkinji bolup tagta çykan zenan boldy.