Angliýanyň “Premier” ligasynda “Arsenaldan” soň, Londonyň başga bir topary “West Ham” hem tälimçisini çalyşdy.Mälim bolşy ýaly, “Arsenalda” Unaý Emeriniň ornuna başga bir ispaniýaly Mikel Arteta toparyň täze tälimçisi bolupdy. 20-nji tapgyrda “Lester Sitiden” 21 utulan “West Ham” topary çilili tälimçisi Manuel Pellegrinini wezipesinden boşatdy.
Toparyň ýolbaşçylary onuň ornuna ozalam bu klubda işlän Dewid Moýesiň tälimçilige bellenendigini habar berdiler.Ol londonlylar bilen 1,5 ýyllyk geleşige gol çekişdi.
Fransiýanyň çempionaty “Ligue 1-de” çykyş edýän “Monako” topary portugaliýaly tälimçi Leonardo Ýardimiň ornuna ispaniýaly Robert Morenony wezipä belledi. 42 ýaşly Moreno fransuz kluby bilen 2,5 ýyla niýetlenen şertnama baglaşdy. Moreno wagtlaýynça Luiz Enrikäniň ornuna Ispaniýanyň ýygyndysyna tälim beripdi.
Mundan 2,5 aý ozal Tiago Mottany tälimçilige bellän “Jenoa” topary italiýaly hünärmeni işinden boşatdy. Topar 37 ýaşly Mottanyň tälimçiliginde 10 oýunda 2 gezek ýeňiş gazanypdy. Genue şäheriniň kluby Mottanyň deregine toparyň ozalky oýunçylaryndan, 46 ýaşly Dawide Nikolany wezipä belledi.