Toyota Land Cruiser flagman awtoulagy eýýäm bir nesil kämilleşmäge ýetişdi, netijede ýakyn wagtda Land Cruiser Pradonyň hem nesil çalyşmagyna garaşylýar. Ýaponiýanyň Creative Trend neşiriniň insaýderleriniň habaryna görä, täze Prado 2022-nji ýylyň tomsunda çykar. Bu barada car.ru habar berýär.
Land Cruiser Prado 250 baradaky maglumatlar heniz doly resmi däl, şonuň üçinem olara 100 göterim ynanardan heniz ir. Şeýle-de bolsa, CarsWeek.ru sahypasynyň ýazmagyna görä, žurnalistler ulagyň daşky gurluşyny we tanymal dizaýnyny saklajakdygyna ynanýarlar.
Täze Prado-nyň Land Cruiser 300-däki TNGA-F (GA-F) modul platformasynyň kiçeldilen görnüşine esaslanmagyna garaşylýar. Täze arhitektura awtoulagy öňküsinden has ýeňil we rahat eder diýip, çeşme belleýär.