Paýtagtymyzdaky Aşgabat kinoteatrynda Oguz han adyndaky Türkmenfilm birleşigi tarapyndan surata düşürilen täze filmleriň görkezilişi guralýar. Şu gün, 7-nji dekabrda Uly baýragyň gymmaty atly film görkezildi.Türkmeniň seýisçilik sungatyny açyp görkezýän filmiň goýujy režissýory Wepa Işangulyýew.
Filmde tanymal artistler Öwezguly Gelenow, Ada Gutlyýew, Annamuhammet Gurbanow, Amangylyç Şarlyýew, Begenç Garlyýew ýaly sungat ussatlary surata düşdüler.Filmiň kompozitory Şatlyk Amannepesow, goýujy suratkeş Ahmet Orazmuhammedow we kinorežissýor Eziz Işangulyýew.
8-nji dekabrda kino muşdaklaryna Ynsan syrdaşy film görkeziler. Filmi režissýor Zulfiýa Kadyrowa surata düşüripdir.
Şeýle hem aýyň 9-na režissýor Isgendermuhammet Annamuhammedowyň surata düşüren Bakyş filmi görkeziler.