“Rempeýj” (Rampage)
“Rempeýj” (Rampage)Režissýory: Bred Peýton; Keşplerde: Dweýn Jonson, Naomi Harris, Malin Akerman, Jeýk Lesi, Jeffri Din Morgan, Jou Manganiello, Merli Şelton; Prodýuserleri: Bred Peýton, Bo Flinn, Jon Rikard, Hiram Garsiýa; Ssenariçileri: Raýan Ingl, Karlton Kýuž, Raýan J.
Kondal, Adam Ştikiel (“Midway Games”-iň adybir kompýuter oýny esasynda); Öndüriji: “New Line Cinema”, “Flynn Picture Company”, “Wrigley Pictures”, “Asap Entertainment”, “Seven Bucks Entertainment”; Paýlaýjy: “Warner Bros.Pictures”; Dowamlylygy: 107 minut; Görnüşi: ylmy-fantastik, uruşly, başdan geçirme; Ýurdy: ABŞ; Dili: iňlisçe; Býujeti: 120 million $.
Hereketli we komediýa filmleriň meşhur aktýory Dweýn Jonson ýene bir başdan geçirme kinosynda baş keşbi janlandyrdy. “Rempeýj” atly bu filme Bred Peýton režissýorlyk edip, ol Jonson bilen ozalam “Syrly ada gezelenç 2” (Journey 2: The Mysterious Island), “San Andreas” (San Andreas) filmlerinde bile işleşipdi. 120 million dollar çykdajy edilen “Rempeýj” filminde Jonsondan başga-da Naomi Harris, Malin Akerman, Jeýk Lesi, Jeffri Din Morgan, Jou Manganiello dagy dürli keşpleri ýerine ýetirdi.
ABŞ-nyň Çikago we Atlanta şäherlerinde surata alnan film eýýäm prokatdan 170 million dollar töweregi girdeji gazandy. “Midway Games”-iň adybir kompýuter oýny esasynda ssenarisi ýazylan film 107 minutlap dowam edýär.Primotolog Dewis Okoýe täze dünýä inen gorilla bilen içgin gyzyklanýar. Ýöne synaglarda uly ýalňyşlyk goýberilýär we şol kiçijik maýmyn äpet, howply jandara öwrülýär.
Görlüp oturylsa, başga-da birnäçe haýwanlarda geçirilen synaglarda köp ýalňyşlyk goýberilipdir.Okoýe genetikasy üýtgedilen haýwanlaryň howpundan dünýäni goramak üçin genetika inženeri bilen hereket etmeli bolýar…