Ady: Gara dul (Black Widow)
Režissýory: Keýt Şortland
Keşplerde: Skarlett Ýohansson, Florens Pýu, Dewid Harbor, O-T Fagbenli, Olga Kurylenko, William Hört Reý Winston, Reýçel Wais
Prodýuseri: Kewin Faýgi
Ssenariçi: Erik Pirson (Marvel Comics-iň çyzgy eserleri esasynda)
Kompozitory: Lorn Belf
Öndüriji: Marvel Studios
Paýlaýjy: Walt Disney Studios Motion Pictures
Dowamlylygy: 134 minut
Görnüşi: uruşly, ylmy-fantastik, superhero
Ýurdy: ABŞ
Dili: iňlisçe
Býujeti: 200 million dollar
Häzirki wagtda kino sungatynyň iň uly öndürijileriniň biri bolan Marvel-iň ýene bir gahrymanynyň, has takygy, zenan gahrymanynyň aýratynlykdaky filmi Gara dul ahyry ekranlara çykdy.Aslynda geçen ýylyň ýazynda görkezilmeli film pandemiýa sebäpli bir ýyl soňa süýşürilmeli bolupdy.
Lore, Berlin Syndrome ýaly kinolary bilen adygan awstraliýaly zenan režissýor Keýt Şortlandyň bu filminde baş keşpleri Skarlett Ýohansson, Florens Pýu, Dewid Harbor, Reýçel Waýs ýaly artistler janlandyrýar. 134 minutlap dowam edýän film üçin 200 million dollarlyk çykdajy edildi.
Norwegiýa, Angliýa, ABŞ, Wengriýa, Marokko döwletlerinde surata düşürilen film häzirki wagtda 160 million dollardan gowrak girdeji gazandy.Häzirlikçe diňe Demirgazyk Amerikanyň çäklerindäki kinoteatrlarda hem-de Disney+ platformalarynda görkezilýän film 29-njy iýuldan başlap dünýäniň beýleki ýurtlarynyň hem kinoeatrlaryndan görkezilip ugrar.
Filmiň girdejisiniň 700 million dollardan geçmegine garaşylýar.