2024-nji ýylyň ahyryna çenli Şwesiýanyň paýtagty Stokgolmyň merkezinde benzin we dizel hereketlendirijileri bilen işleýän awtoulaglaryň girmegi gadagan bolan ekologik zolak peýda bolar. Täze zolak 20 etrapdan ybarat bolup, takmynan, 180 müň inedördül metr meýdany eýelär. 2025-nji ýylyň birinji ýarymynyň dowamynda zolak has-da giňeldiler.
Saglygy goraýyş, howpsuzlyk we jemgyýetçilik hyzmatlary ulaglary bu gadaganlykdan boşadylýar. Syýasatçy Dennis Wedin ekologiýa zolagynyň durmuşa ornaşdyrylmagy barada durup geçip, bu meýilleşdirilýän sebitiň hemmelere elýeterli bolmajakdygyna gynanýandygyny aýtdy.
Kiçi telekeçiler täze düzgünleriň girizilmegi barada alada edýärler, sebäbi bu ýagdaý olaryň üpjünçiligini kynlaşdyrar. Emma arassa gurşawyň ähmiýetine salgylanyp, hökümetiň täze kararyny goldaýanlar hem bar.
Ilkibaşda Köne şäherde şeýle zolagy döretmek meýilleşdirildi, bu bolsa ýiti tankytlara sebäp boldy. Netijede, Köne şäheri “şäher gurşawy zolagy” diýip atlandyrmak kararyna gelindi.