Görnükli amerikan ýazyjysy Reý Bredberiniň 451 Farangeýt atly ylmy-fantastik romany täsin eserleriň biridir.Bu eser esasynda köp sanly film, sahna oýny goýuldy, hatda kompýuter oýny hem döredildi.
Millionlarça adamy özüne bendi eden bu eser dünýä edebiýatynda mynasyp orun eýeleýär.Hakykatdan hem ylmy-fantastik eserler köp wagtdan bäri açyşlaryň jarçysy hökmünde öňe saýlanýarlar. Žýul Wern, Gerbert Uells we L.
Ron Habbard ýaly bu žanryň ussatlary kiçijik wideo kameralaryň, kosmos enjamlarynyň dörediljekdigini köp ýyl öňünden habar beripdiler. Şoňa görä, 451 Farangeýt atly roman hem aýratyn gyzyklanma döredýär.Reý Bredberi bu eserinde birgiden inžener-tehniki enjamlaryň peýda boljakdygyny öňünden mälim edýär.
Ol 80-nji ýyllarda peýda bolan çaklaňja radio enjamlaryň, gulaklyklaryň, 60-njy ýyllarda ulanyşa girizilen reňkli telewizorlaryň, häzirki ýüzýyllygyň başynda peýda bolan 3D şekilli telewizorlaryň, şeýle hem öz pul serişdeleriňe gije-gündiziň dowamynda elýeterliligi üpjün edýän bankomatlaryň boljakdygyny öňünden habar berýär.