29 30-njy oktýabrda Aşgabat şäheriniň Baş-baş söweş sungaty boýunça sport toplumynda sportuň Taekwondo görnüşi boýunça Türkmenistanyň birinjiligini almak ugrundaky ýaryş geçirildi.
Ýaryş 2009-njy, 2010-njy, 2011-nji ýyllarda doglan ýetginjekleriň arasynda, 2012 2013-nji ýyllarda doglan çagalaryň arasynda, şeýle hem 2014 2015-nji ýyllarda doglan çagalaryň arasynda geçirildi. Sport bäsleşigine Mary şäheriniň 7-nji sport mekdebiniň taekwondo boýunça tälimçi mugallymy Kaýumberdi Annadurdyýewiň taýýarlan ýaş türgenleri hem gatnaşyp üstünlikli çykyş etdi we olardan 12 sanysy baýrakly orunlara mynasyp boldy.
Sportuň taekwondo görnüşi boýunça Türkmenistanyň birinjiligini almak ugrundaky bu ýaryşyň 2009-njy, 2010-njy, 2011-nji ýyllarda doglan ýetginjekleriň arasy¬da geçirilen tapgyrynda Pälwan Gylyçnyýazow 66 kilogram agramda, Selim Geldimyradow 53 kilogram agramda, Salyh Kakajanow 45 kilogram agramda çykyş edip I orna, Ýunus Kakajanow 45 kilogram agramda, Pälwan Annaýew 37 kilogram agramda çykyş edip II orna, Baky Ýusubow 53 kilogram agramda, Mekan Kakageldiýew 37 kilogram agramda, Baba Döwletow 35 kilogram agramda, Kakajan Meýlisow 34 kilogram agramda III orna mynasyp boldular.
Bu sport ýaryşynyň 2012 2013-nji ýyllarda doglan çagalaryň arasynda geçirilen tapgyrynda Kerwen Atajanow 34 kilogram agramda, Züleýha Kaýumberdiýewa 28 kilogram agramda çykyş edip I orna, Näzik Mustapaýewa 26 kilogram agramda çykyş edip II orna mynasyp boldular.
Aşgabat şäheriniň Baş-baş söweş sungaty boýunça sport toplumynda geçirilen Taekwondo boýunça Türkmenistanyň birinjiligini almak ugrundaky ýaryşda üstünlikli çykyş edip, ýeňiji bolan türgenlere hormat hatlary, ýadygärlik medallary we sowgatlar berildi.
Kadyr Jumalyýew,
Mary şäheriniň 7-nji sport mekdebiniň Sambo boýunça tälimçi mugallymy.