Sanly söwda umumy ösüşiň täze hereketlendirijisine öwrülip biler hem-de dünýä ykdysadyýetiniň ösüşine güýçli itergi berer diýip, Hytaý Halk Respublikasynyň Başlygy Si Szinpin aýtdy diýip, RIA Nowosti habarlar gullugyna salgylanýan Belta.by ýazýar.
HHR-iň Başlygy bu barada Global Digital Trade Expo sergisine gatnaşyjylara ýüzlenmesinde nygtady. Szinpin soňky ýyllarda öz ýurdunyň halkara söwda-ykdysady düzgünleriniň ýokary ölçeglerine goşulandygyny, sanly söwdanyň ösmeginde bütin dünýä üçin täze mümkinçilikleri döredýändigini nygtady.
Global Digital Trade Expo sergisi Hytaýyň günorta Çženzýan ülkesindäki Hançžou şäherinde açyldy we 27-nji noýabra çenli dowam eder.
Sergä köp sanly halkara guramalary, işewürlik bileleşikleridir telekeçiler gatnaşýarlar. 100 müň inedördül metri eýeleýän sergide 800 sany kärhananyň işi bilen tanyşdyrylýar.