ABŞ-nyň saýlanan Prezidenti Donald Trampyň saýlawdan öňki kampaniýasynyň başlygy Sýuzan Waýls, Ak Tamyň kanselýariýasyna ýolbaşçylyk eder.Bu barada Trampyň geçiş topary tarapyndan ýaýradan beýanatda aýdylýar. -Sýuzi Waýls maňa Amerikanyň taryhynda iň uly syýasy ýeňişleriň birini gazanmaga kömek etdi. Şeýle hem ol 2016-njy we 2020-nji ýyllardaky şowly kampaniýalaryma işjeň ýardam berdi.
Sýuzan güýçli, akylly, täzeçil garaýyşly zenandyr.Ol ABŞ-nyň taryhynda Ak Tamyň diwanyna ýolbaşçylyk eden ilkinji zenan bolar diýip, ABŞ-nyň saýlanan Prezidenti Donald Tramp belledi.Tramp 67 ýaşly Waýlsyň Amerikany täzeden beýgeltmäge kömek etjekdigine ynanýandygyny aýtdy.
Geçen saýlaw kampaniýasynyň örän guramaçylykly we akylly-başly amala aşyrylanlygy üçin Sýuzan Walsyň Trampyň ýakyn töwereginde aýratyn hormata eýedigi habar berilýär.Waýls öz bitiren işlerini aýan etmekden saklanýar.
Respublikan partiýadan prezidentlige dalaşgär Donald Tramp 2021-nji ýylyň ýanwaryndan bäri ýurduň wise-prezidenti bolup işleýän bäsdeşi, Demokratlaryň wekili Kamala Harrisi ýeňdi.Respublikanlar Kongresiň Senatyny gözegçilik astyna almagyň hötdesinden geldiler.
Maglumatlara görä, Respublikan partiýasy hem Kongresiň Wekiller palatasynda orunlaryň köpüsini gazanyp biler. /* custom css */ .td_uid_15_672dff72c9163_rand.td-a-rec-img { text-align: left; } .td_uid_15_672dff72c9163_rand.td-a-rec-img img { margin: 0 auto 0 0; }