Köpleriň sabyrsyzlyk bilen garaşýan bu animasiýasyna Jeýred Stern režissýorlyk edýär.Bu onuň ikinji režissýorlyk işidir. “DC Comics” hem-de “Warner Bros.” kompaniýalarynyň bilelikdäki önümi bolan multfilmiň gahrymanlaryna Dweýn Jonson, Kewin Hart, Keýt MakKinnon, Jon Krasinski, Wanessa Baýer, Nataşa Lionne, Diego Luna, Tomas Middlditç, Ben Şarts, Keanu Riwes ýaly “Hollywood”-yň meşhur artistleri ses berýär. Şu gününden kinoteatrlarda görkezilip başlanan animasiýanyň ssenarisini Jon Wittington bilen režissýoryň özi bilelikde ýazdy.
Hereketli we komediýa görnüşli animasiýada “DC Comics”-iň meşhur super gahrymanlarynyň özleri däl-de, olaryň öý haýwanlarynyň başdan geçirmesi barada söhbet açylýar.Supermeniň ýakyn dosty Krypto atly iti super güýçleri bolan pişik bilen täze başlangyçlara gadam basýar.
Olara Betmeniň tazysy Eýs, Wonder Womeniň kengrusy Jumpa, Fleşiň pyşbagasy Watzit we beýleki haýwanlar goşulýar. Şondan soň täze başdan geçirme başlaýar…
Ady: “DC super öý haýwanlar topary” (DC League of Super-Pets)
Režissýory: Jeýred Stern
Ssenariçileri: Jeýred Stern, Jon Wittington (DC Comics-iň komiksleri esasynda)
Prodýuserleri: Patrişiýa Hiks, Dweýn Jonson, Deni Garsiýa, Hiram Garsiýa, Jeýred Stern
Ses berenler: Dweýn Jonson, Kewin Hart, Keýt MakKinnon, Jon Krasinski, Wanessa Baýer, Nataşa Lionne, Diego Luna, Tomas Middlditç, Ben Şarts, Keanu Riwes
Kompozitory: Stiv Ýablonski
Öndürijiler: “Warner Animation Group”, “DC Entertainment”, “Seven Bucks Productions”, “A Stern Talking To”
Paýlaýjy: “Warner Bros. Pictures”
Dowamlylygy: 100 minut
Görnüşi: animasiýa, komediýa
Býujeti: 90 million dollar
Ýurdy: ABŞ
Dili: iňlisçe