Amerikan basketbol ligasynyň (NBA-nyň) 2 esasy pleýmeýkeri Kris Pol bilen Jeýms Harden indiden beýläk bir toparda çykyş eder.Geljek ýyl çempionlygy maksat edinýän “Hýuston Rokets” topary 32 ýaşly Kris Poly öz düzümine goşdy. “Hýuston Rokets” topary Poluň deregine onuň öňki kluby “Los Anjeles Klipperse” 7 oýunçy bilen bir hatarda, 2018-nji ýyldaky 1-nji tapgyrdan “draft” etmek hukugyny berer.
Pol täze topary bilen 5 ýyla niýetlenen şertnama baglaşar. “Hýuston Rokets” topary-da ýyldyz oýunça şol 5 ýyllyk döwürde 205 million dollar hak tölär. 9 gezek “All-Stara” saýlanan Kris Pol 2011-nji ýyldan bäri “LA Klippersde” oýnaýardy.
Ol karýerasy boýunça häzirlikçe ortaça 18,7 utuk, 9,9 asist hem-de 4,4 ribaund ýaly görkezijiler bilen çykyş edip gelýär.