INTERFAX.RU habarlar gullugy Meta Platforms (öň Facebook) kompaniýasyny esaslandyryjy Mark Sukerbergiň we onuň aýaly Prissilla Çanyň bilelikde döreden haýyr-sahawat gaznasynyň öňdäki 10-15 ýylda saglygy goraýyş ulgamyndaky maksatnama 3,4 milliard dollar bölüp bermekçidigini habar berdi. Bu barada gaznanyň wekili Jeff MakGregor beýanat beripdir.
Bölünip beriljek serişdeleriň 500 million dollaryny Garward uniwersitetindäki emeli aň bilen meşgullanýan institut alar. Instituty telekeçiniň ejesiniň hatyrasyna Karen Kempner Sukerberg diýip atlandyrmak meýilleşdirilýär.
Şeýle-de 600-900 million dollar gazna tarapyndan täze dörediljek Biolukmançylyk wizualizasiýasy institutyna, 1 milliard dollar bolsa dürli keselleri bejermegiň täze usullaryny işläp düzüji Chan Zuckerberg Biohub işewürlik däl ylmy-barlag institutyna geçirmek göz öňünde tutulýar.
CZI gaznasy 2015-nji ýylda döredildi, geljekde Sukerberg we onuň aýaly Meta kompaniýasynyň paýnamalarynyň 99 göterimini bu gazna geçirmegi maksat edinýär.