Türkiýäniň çempionaty “Süper Ligde” çempion soňky tapgyr belli bolar. 41-nji tapgyryň çäklerinde oýnalan duşuşyklarda sanawyň öňdebaryjylaryndan 2 topar öz meýdançasynda ýeňlişe sezewar boldy.Sanawyň lideri “Beşiktaş” öz meýdançasynda “Fatih Karagümrükden” 2-1 (Bertolaççi 39, Borini 80 Gezzal 55) hasabynda asgyn geldi. “Fenerbahçe” topary-da öz meýdançasynda şol bir hasap bilen “Siwasspordan” utuldy (Kaýode 45+1, Arslan 48 Sisse 90+3).
Myhmançylykda aşaky liga düşen “Denizlispor” toparyny 4-1 (Derwişoglu 24, Babel 35 p, Mostafa Mohamed 87 p, 89 Niýaz 62) hasabynda ýeňen “Galatasaraý” 2-nji orna çykdy hem-de lider “Beşiktaş” bilen utugyny deňledi. Ýagny “Beşiktaşyň” hem-de “Galatasaraýyň” 81 utuklary bolup, ýeňiji soňky tapgyrda belli bolar.
Eger-de iki topar hem soňky tapgyrda ýeňiş gazanan ýagdaýynda gol aratapawudy çempiony kesgitlär.Häzirki wagtda “Beşiktaş” +44, “Galatasaraýyň” +42 gol aratapawudy bar. “Beşiktaş” soňky tapgyrda “Göztepe” bilen, “Galatasaraý” bolsa öz meýdançasynda “Ýeni Malatýaspor” bilen duşuşar. Çempion bolmak mümkinçiligi ezeli bäsdeşleriniň ýeňlişine bagly bolan 79 utukly “Fenerbahçe” soňky tapgyrda myhmançylykda ligada galmak üçin göreşýän “HK Kaýserispor” bilen güýç synanyşar.
Şeýle-de “Denizlispordan” soň, “Ankaragüjü”, “Erzurumspor” toparlary aşaky liga düşdi.