Ýewropada köp tälimçi çalyşmakda ýakasyny tanadan türk klublary bu ýörelgelerini täze möwsümde-de ýokary depginde dowam etdirýärler. Çempionatyň täze möwsüminde 7 tapgyryň duşuşyklary tamamlandy. Şol 7 tapgyrda 7 klubuň tälimçisi wezipesinden gitdi. 3-4-6-njy sentýabrda “Istanbul Başakşehir” toparynyň tälimçisi Emre Belözoglu, “Gaziantep” toparynyň tälimçisi Erdal Güneş, “Kaýserisporyň” tälimçisi Çagdaş Atan wezipelerinden gidipdi. 25-nji sentýabrda “Istanbulspor” toparynyň tälimçisi Fatih Tekke, 27-nji sentýabrda-da “Samsunspor” toparynyň tälimçisi Hüseýn Eroglu işinden gidipdi. 2-nji oktýabrda “Ankaragüjü” tälimçisi Tolunaý Kafkas bilen ýoluny aýyrdy. 6-njy oktýabrda-da ýurduň öňdebaryjy klublaryndan “Beşiktaş” tälimçisiz galdy.
Topar UEFA Konferensiýa Ligasynda “Lugano” toparyndan 2-0 öňde barýarka, 3-2 utulmagyndan soň klub tejribeli tälimçisi Şenol Güneşi wezipesinden boşatdy.Iki taraplaýyn razylyk netijesinde “Beşiktaş” toparynda 2-nji Güneş döwri tamamlandy.
Tälimçileriniň ugradan klublaryň käbirleri täze tälimçilerini mälim edenem bolsa, käbirleri entegem tälimçi gözlegini dowam etdirýär. Çagdaş Atan “Istanbul Başakşehiriň”, ozalam işläp giden rumyniýaly Marius Şumudiça “Gaziantep” toparynyň, Rejep “Uýar Kaýerispor” toparynyň, Emre Belözoglu “Ankaragüjü” toparynyň täze tälimçileri boldy.