Ýurduň goşunynyň metbugat sekretarlygyndan berilen beýanatda: "Uçarlarymyzyň biri düýn agşam paýtagt Hartum şäheriniň Umdurman sebitindäki Wadi Seýýidna harby bazasyndan uçanyndan soň ýere gaçdy" diýip mälim edildi.
Beýanatda wakada asuda ilatdan we harbylardan ýogalan adamlaryň bardygy aýan edildi.
Ýaralanan adamlaryň bejergi maksatly hassahanalara alynyp gidilendigi bellenen beýanatda, ýangyn söndürijileriň wakada ýanan uçary söndürmek işlerine gatnaşandygy beýan edildi.