BMG-nyň metbugat geňeşçisiniň orunbasary Stefani Tramble gündelik metbugat ýygnagynda metbugat işgärlerine beýanat berdi.
BMG-nyň Ysraýylyň Gazanyň demirgazygyny gabaw astyna almagyndan soň, takmynan 1 aý ozal diňe lukmançylyk enjamlarynyň geçirilmegine bir gezekligine rugsat berendigini aýdan Stefani Tramble: "Ysraýylyň hüjümleri palestinalylaryň esasy durmuş zerurlyklaryna elýeterliliklerine päsgel berýär" diýip habar berdi.
Stefani Tramble ynsanperwer kömek işgärleriniň hem öz wezipelerini ýerine ýetirip bilmeýändigini aýtdy.
Ysraýylyň harby güýçleriniň ynsanperwer kömek işgärleriniň adamlara kömek ýetirmeklerine böwet bolýandygyny bellän Stefani Tramble: "Gazanyň demirgazygyndaky ähli adamlaryň keselden, açlykdan we zorlukdan ölmek howpy ýokary" diýip nygtady.
Stefani Tramble Ysraýylyň bombalamagy dowam etdirýärkä palestinalylara gorag berilmeýändigini aýtdy we sebitdäki öz ýaşaýan ýerlerinden göçürilen 14 müň adamyň gaçybatalgalarda galýandygyny aýan etdi.