Stambulda Global E-Eksport sammiti 4-5-nji sentýabr aralygynda geçirilipdi.
Söwda ministri Ömer Bolat sammitiň netijeleri barada beýannama berdi.
"Sammit ýerli we global elektron söwdanyň möhüm taraplaryny bir ýere jemledi" diýip aýdan Ömer Bolat, Amerikadan Günorta-gündogar Aziýa we Ýewropa çenli 3 müňden gowrak wekiliň sammite gatnaşandygyny mälim etdi.
Ömer Bolat: "Sammitiň çäginde geçirilen B2B maslahatlarynda 300-den gowrak türk kärhanasy, 1350 wekil global elektron söwdanyň möhüm resmileri bilen duşuşyklar geçirip, ýokary derejeli netijeli gepleşikler geçirdiler" diýip aýan etdi.
Ministr Ömer Bolat global we sebitleýin e-söwdanyň möhüm markalaryny bir ýere jemlän sammitiň, e-söwda sergisi häsýetinde geçendigini beýan etdi.
Ömer Bolat: "Ministrlik hökmünde e-eksportyň umumy eksportdaky paýyny 10 göterime çenli ýokarlatmagy maksat edinýäris" diýip habar berdi.