Braziller üçin iň gynançly gün
Hawa, şu gün brazil futbolynyň iň pajygaly günleriň biri.Laýyk mundan 70 ýyl ozal şu gün Braziliýanyň ýygyndysy Dünýä Kubogynyň finalynda goňşusy Urugwaýyň ýygyndysyndan 2-1 asgyn gelýär.
Braziliýada geçirilen 4-nji Dünýä Kubogynda Braziliýa jemleýji duşuşyga çenli diýseň ýokary depginde oýun görkezýär. Ýöne muňa garamazdan, 2-nji tapgyryň jemleýji duşuşygynda Urugwaýdan 2-1 utulýar. Üstesine, Riodaky meşhur “Marakanada”, 200 müň janköýeriň şaýatlygynda utulmagy braziller üçin diýseň ýatdan çykmajak pajygalara sebäp bolýar.
Duşuşykdan öň kubogy Braziliýa ýeňer diýen düşünje bilen ähli zat şoňa görä taýýarlanyp hem goýulýar. Ýöne Braziliýa nesip etmeýär.
Şeýle-de şu gün Uly tuwulga gazanmak rekordyň eýesi, awstraliýaly zenan tennisçi Margaret Smit Kortuň, amerikaly zenan futbolçy Karli Lloýduň, belgiýaly futbolçy Musa Dembeleniň, ispaniýaly futbolçy Serhio Busketsiň hem-de transfer bahasy bilen rekord goýan uelsli Garet Beýliň doglan günleri.
1942 Awstraliýaly meşhur tennisçi, 24 Uly tuwulganyň eýesi Margaret Smit Kort dünýä inýär.
1950 Futbol boýunça Braziliýada 4-nji Dünýä Kubogynyň finalynda Urugwaýyň ýygyndysy Braziliýany “Marakana” stadionynda 200 müň janköýeriň şaýatlygynda 2-1 ýeňýär.
1982 Amerikaly zenan futbolçy Karli Lloýd dünýä inýär.
1987 Belgiýaly futbolçy Musa Dembele dünýä inýär.
1988 Ispaniýaly futbolçy Serhio Buskets dünýä inýär.
1989 Uelsli futbolçy Garet Baýl dünýä inýär.
1995 Argentinaly meşhur sürüji, F1-iň 5 gezek çempiony Huan Manuel Fanjio 84 ýaşynda aradan çykýar.