Sportuň taryhyna ser salanymyzda şu güne, ýagny 13-nji iýula seredenimizde taryhy wakanyň başlangyjynyň bolup geçendigine göz ýetirýäris.Mundan 90 ýyl ozal, iň uly futbol baýramçylygy bolan Dünýä Kubogynyň ilkinjisine badalga berilýär. Žul Rimeniň tagallasy bilen 13 ýurduň gatnaşan ýaryşy Urugwaýda geçirilýär.
Netijede, çempionat ýer eýeleriniň çempionlygy bilen tamamlanýar.Mundan 6 ýyl ozal, şu gün başga bir Günorta Amerika ýurdy Braziliýada geçirilen 20-nji Dünýä Kubogynyň finalynda Germaniýanyň ýygyndysy Argentinany Mario Gýotseniň goşmaça wagtda geçiren goly bilen ýeňip, 4-nji gezek kubogy eýeleýär.
Şeýle-de şu gün italiýaly meşhur F1 sürüjisi Alberto Askariniň, uelsli futbolçy Kreýg Bellaminiň, hytaýly ýeňil atletikaçy Liu Şianyň doglan günleri. Şotlandiýanyň iň abraýly kluby Reýnjers maliýe ýetmezçiligi sebäpli 3-nji liga düşürilýär. Şeýle-de syrykly bökmegiň ussady Sergeý Bubka 5,89 metre böküp, dünýä rekordyny goýýar.
13-nji iýul
1918 Italiýaly meşhur sürüji F1-iň 2 gezek çempiony Alberto Askari dünýä inýär.
1930 Futbol boýunça Urugwaýda 1-nji Dünýä Kubogyna badalga berilýär.
1979 Uelsli futbolçy Kreýg Bellami dünýä inýär.
1983 Hytaýly ýeňil atletikaçy, Olimpiýa çempiony Liu Şian dünýä inýär.
1984 Sergeý Bubka syrykly bökmekde dünýä rekordyny goýýar (5,89 metr).
2012 Şotland kluby Reýnjers maliýe ýagdaýy sebäpli 3-nji liga düşürilýär.
2014 Futbol boýunça Braziliýada geçirilen 20-nj Dünýä Kubogynyň finalynda Germaniýanyň ýygyndysy Argentinany goşmaça wagtda Mario Gýotseniň goly bilen 1-0 ýeňýär.
2014 Braziliýada geçirilen Dünýä Kubogynda Lionel Messi Altyn top baýragyna mynasyp bolýar.