Woleýbol boýunça zenanlaryň arasyndaky CEV Ýewropanyň Çempionlar ligasy ýaryşynda Türkiýäniň “Wakyfbank” topary bassyr 2-nji ýeňşini gazandy.Stambullylar Rumyniýanyň paýtagty Buharestde oýnalan “Final Four”-da ilki Italiýanyň “Imoko Wolleý” toparyndan 32 üstün çykdy.
Finalda-da Rumyniýanyň “CSM Wolei Alba Blaj” toparyny 25:17, 25:11, 25:17 hasaplar bilen ýeňip, yzly-yzyna 2-nji, umumylykda-da 4-nji gezek yklymyň iň uly kubogyny gazandy (2011, 2013, 2017, 2018). 3-nji ýer ugrundaky oýunda-da Italiýanyň “Imoko Wolleý” topary Türkiýäniň “Galatasaraý” klubuny 25:17, 25:18, 25:20 hasaplary bilen ýeňmegi başardy. “Final Four”-yň iň gymmatly oýunçysy diýlip, çempion topardan Gözde Kyrdar Sonsyrma saýlandy.
GÖREŞ
Russiýanyň Dagestan Respublikasynda geçirilen göreş boýunça 69-njy Ýewropa çempionatynda ýer eýeleriniň pälwanlary öňe saýlandy.Olar 12 altyn, 7 kümüş, 4 bürünç jemi 23 medal gazanyp, sanawda 1-nji orny eýelediler.
Russiýadan Gadžimurad Raşidow, Magomed Kurbanaliýew, Ahmed Gadžimagomedow, Artýom Surkow, Roman Wlasow ýaly pälwanlar erkin we grek-rim göreşleri boýunça dürli agramlarda ýeňiji boldy.Medallaryň sanawynda 2-nji ýeri türkiýeli (5 altyn, 8 bürünç), 3-nji orny-da azerbaýjanly (4 altyn, 5 kümüş, 9 bürünç) pälwanlar eýelediler.
Türkiýeli Taha Akgül 6-njy gezek Ýewropanyň çempiony bolmagy başardy.
MOTO GP
Moto GP boýunça möwsümiň 4-nji ýaryşy Ispaniýanyň Herez şäherinde geçirildi. Ýaryşa 5-nji hatardan başlan ispaniýaly Mark Markes (“Repsol Honda”) 25 aýlawy 41 minut 39,678 sekuntda tamamlap, şu ýylky 2-nji, karýerasyndaky 37-nji ýeňşini gazandy.
Markesden 5,2 sekunt yza galan fransiýaly Ýohan Zorko (“Monster Yamaha”) 2-nji, italiýaly Andrea Iannone (“Suzuki Ecstar”) 3-nji ýeri eýeledi.Möwsümiň 5-nji ýaryşy 20-nji maýda Fransiýada geçiriler.
Tennis
Her ýyl geçirilýän 4 “Uly tuwulga” tennis ýaryşlarynyň iň abraýlysy hasaplanýan “Wimbledon” bäsleşiginiň baýrak gaznasy 7,6 göterim artdyryldy.Bu ýyl 215-nji iýul aralygynda 132-nji gezek geçiriljek ýaryşyň umumy pul baýragy 34 million sterlinge çykaryldy. Ýekelikde ýeňiji bolan tennisçiler pul baýragy hökmünde 2,25 million sterling alarlar.
Geçen ýylky ýaryşda ýeňijilere 2,2 million sterling berlipdi.