TENNIS Italiýanyň paýtagtynda toprak kortda geçirilýän “Rim Açyk” tennis ýaryşynyň finalynda ispaniýaly Rafael Nadal bilen serbiýaly Nowak Jokowiç duşuşdy. 2 sagat 54 minutlap dowam eden finalda Nadal garşydaşyndan 2:1 (6:0, 4:6, 6:1) üstün çykyp, bu ýaryşdaky 9-njy çempionlygyny baýram etdi.
Bu Nadalyň esasy garşydaşy Jokowiç bilen geçiren 54-nji duşuşygyndaky 26-njy ýeňşidir.Bu Nadalyň karýerasyndaky 34-nji “Masters”, umumylykda-da 81-nji ATP çempionlygydyr.Ol “Masters” ýaryşlary boýunça Jokowiçden 1 kubok öňe saýlandy.Moto GP Zenanlaryň arasynda çehiýaly Karolina Plişkowa finalda britaniýaly Ýohanna Kontany 6:3, 6:4 hasaplar bilen ýeňdi.
Karolina Plişkowa möwsümde 2-nji, karýerasy boýunça 13-nji ýeňşini baýram etdi.Moto GP boýunça möwsümiň 5-nji ýaryşy Fransiýa “Gran Prisinde” “Honda” toparynyň ispaniýaly sürüjisi Mark Markes ýeňiji boldy.
Ol 27 aýlawy 41 minut 53,647 sekuntda geçip, şu ýylky 3-nji, karýerasyndaky 48-nji “Gran Pri” baýragyny aldy. 23-nji orunlary “Ducati” toparynyň italiýaly sürüjileri Andrea Dowizioso (+1,984), Danilo Petruççi (+2,142) eýelediler.
Umumy sanawda-da 95 utuk bilen Mark Markes 1-nji, Andrea Dowizioso 87 utuk bilen 2-nji, Aleks Rins bolsa 75 utuk bilen 3-nji ýerde barýar.Möwsümiň indiki “Gran Prisi” 2-nji iýunda Italiýada geçiriler.
Golf boýunça 4 Uly ýaryşyň biri bolan “PGA Championship” bäsleşiginde amerikaly Bruks Koepka çempionlygyny goramagy başardy.Ol 101-nji gezek geçirilen bu ýaryşda az ýalňyşlyk goýberip, jemi 272 utuk bilen bassyr 2-nji gezek çempion diýen ady eýeledi.
Bu onuň umumylykda 4-nji Uly ýaryş kubogy bolup, 29 ýaşyndaky golfçy 2017-nji we 2018-nji ýyllarda “Amerika Açykda” hem ýeňiş gazanypdy.Bu ýyl Nýu Ýorkda geçirilen “PGA Championship”-de 274 utuk toplan amerikaly Dastin Jonson 2-nji orna mynasyp boldy. Ýaryşyň ýeňijisi 1 million 980 müň dollarlyk pul baýragy bilen sylaglandy.
FUTBOL Russiýanyň Kubogyny Moskwanyň “Lokomotiw” topary eýeledi.Paýtagtlylar Samarada oýnalan finalda Ýekaterinburgyň “Ural” toparyny Dmitriý Barinowyň 27-nji minutdaky ýeke-täk goly bilen 10 hasabynda ýeňmegi başardy.
Bu ýeňiş olaryň kubok ýaryşyndaky 8-nji, ozalky Soýuzy hasaba alanyň-da, 10-njy üstünligidir.“Bawariýa” birinjiligi bermediGermaniýanyň “Bundesligasynda” çempion 34-nji tapgyrda belli boldy. 2 utuk öňde barýan “Bawariýa” öz meýdançasynda “Aýntrahty” 51 hasabynda ýeňdi.
Oýunda münhenlileriň gollaryny Koman, Alaba, Renato Sançes hem-de “Bawariýadaky” soňky duşuşygyny geçiren Riberi bilen Robben derwezä girizdi.Bassyr 7-nji, umumylykda-da 28-nji “Bundesliga” çempionlygyny gazanan “Bawariýanyň” fransuz futbolçysy Frank Riberi hem 9-njy gezek kubogy asmana göterdi.
Frank Riberi bu ýeňişden soň, “Bundesligada” iň köp çempionlyk gazanan futbolçy diýen adyň ýeke-täk eýesi boldy.Bu möwsümde-de çempionlyga golaýlap, ýene-de soňky tapgyrlarda elinden gideren Dortmundyň “Borussiýasy” bolsa, “Borusen” derbisinde myhmançylykda Mönhengladbahyň “Borussiýasyndan” 20 üstün çykdy.“Galatasaraýyň” 22-nji, “Benfikanyň” 37-nji çempionlygyTürkiýäniň çempionaty “Süper Ligde” möwsümiň tamamlanmagyna 1 tapgyr galanda, “Galatasaraý” taryhyndaky 22-nji çempionlygyny gazandy.
Fatih Terimiň şägirtleri 33-nji tapgyrda 2-nji hatardaky “Istanbul Başakşehir” toparyny 21 (Feguli 47, Onýekuru 64 Baýiç 17) hasabynda ýeňmegi başardy. Şunlukda, esasy bäsdeşinden 3 utuk öňe saýlanan “Jim Bom” 22-nji çempionlygyny baýram etdi.Portugaliýanyň çempionatynda “Benfika” 34-nji tapgyrda “Santa Klarany” 41 hasabynda ýeňip, 1 ýyllyk arakesmeden soň, çempion boldy.
Bu lissabonlylaryň taryhyndaky 37-nji çempionlygydyr.Ukrainanyň “Premier ligasynda” Doneskiň “Şahtýory” bassyr 3-nji, umumylykda 12-nji çempionlygyny gazandy.Doneskliler 30-njy tapgyrda Kiýewiň “Dinamosy” bilen 11 deňme-deň oýnady.
Belgiýanyň çempionatynda “Genk” topary 8 ýyldan soň, taryhyndaky 4-nji çempionlygyna mynasyp boldy (1999, 2002, 2011, 2019). Çehiýanyň çempionatynda Praganyň “Slawiýa” topary 5-nji gezek ýokary ligany birinji hatarda tamamlamagy başardy.