Spor Toto Super Liganyň 35-nji hepdesinde öz meýdançasynda Fraport TAV Antalýaspor komandasy bilen 2-2 deňme-deň galan Trabzonspor komandasy 2021-2022 fotbol möwsüminiň tamamlanmagyna 3 hepde galanda çempion boldy.
Trabzonspor komandasynyň gollaryny garşydaş toparyň derwezesine 3-nji minutda Kornelius we 63-nji minutda Dorukhan geçiren bolsa, Fraport TAV Antalýaspor komandasynyň gollaryny bolsa 51-nji minutda Ndao we 80-nji minutda Wright geçirdi.
Şol netije bilen balyny 77-ä ýetiren we liganyň tamamlanmagyna 3 hepde galanlygyna garamazdan 2-nji orunda gelýän Fenerbahçe bilen arasyndaky bal tapawudyny 9 ýetiren Trabzonspor çempionlygyny kepillik astyna aldy.
Prezident Rejep Taýýip Erdogan we TBMM-niň başlygy Mustafa Şentop sosial media hasaplaryndan Spor Toto Super Liganyň 2021-2022 fotbol möwsüminiň çempiony Trabzonspor komandasyny gutladylar.
Trabzonspor komandasynyň janköýerleri çempionlygyny meýdançalarda belläp geçdiler.
Spor Toto Super Liganyň 2021-2022 fotbol möwsüminiň çempiony Trabzonspor üçin Stambuldaky 15-nji iýul Şehitler köprüsi we Fatih Soltan Mehmet köprüsi klubyň reňkleri bilen şöhlelendirildi.