“Amazon Project Kuiper”, “SpaceX”, “Ozon Marketpleýs Kazahstan”, “Dell Technologies”, “European Networks”, “Eastwind”, “Huawei Tech. Investment Co.”, “LTD” we “Samsung” ýaly dünýäniň öňdebaryjy tehnologiýa kompaniýalary Aşgabatda 14 16-njy noýabrda geçiriljek “Türkmentel-2024” atly XVII halkara sergisine we ylmy maslahatyna gatnaşarlar. Bu barada Türkmenistanyň resmi metbugaty duşenbe güni habar berdi.
“Türkmentel-2024” forumy tejribe alyşmak we sanly ykdysadyýet, kiberhowpsuzlygy, hemra aragatnaşygy, “5G” aragatnaşygy, sanly ösüş we kibergoraglylyk ýaly esasy ugurlary maslahatlaşmak üçin möhüm meýdança bolar.
Çäräniň maksatnamasyna poçta ulgamyny sanlylaşdyrmak boýunça ýöriteleşdirilen okuw maslahatlaryň we ýaş IT hünärmenleriň innowasion taslamalar bäsleşiginiň jemini jemlemek dabarasynyň girizilmegi guramaçylaryň tehnologiýa pudagyny ösdürmäge toplumlaýyn çemeleşýändiklerini görkezýär.
“Türkmentel-2024” forumy türkmen hünärmenleriniň we halkara tehnologiýa kompaniýalarynyň arasynda täze hyzmatdaşlyk gatnaşyklary ýola goýmak üçin netijeli meýdança öwrüler.